Gemeng Conter

Gemeng Conter
d'Märei vu Conter
Aussprooch
An anere Sproochen	fr: Contern de: Contern
Land	Lëtzebuerg
Kanton	Kanton Lëtzebuerg
Chef-lieu	Conter
Buergermeeschter	Marion Zovilé-Braquet (CSV)
Awunner	4.374
	1. Januar 2023
Fläch	2.055 ha
Héicht	333 m
Koordinaten	49° 35’ 6’’ N       6° 13’ 37’’ O
LAU-Code	LU0302
Websäit	http://www.contern.lu/

D'Gemeng Conter ass eng vun den 100 lëtzebuergesche Gemengen. Se läit am Kanton Lëtzebuerg. De Chef-lieu vun der Gemeng ass d'Uertschaft Conter vun där se och hiren Numm huet.

Geographie

D'Gemeng Conter läit südëstlech vun der Stad Lëtzebuerg op enger Héicht tëscht zirka 255 an 340 m (NG-L).

Nopeschgemenge si Sandweiler a Schëtter am Norden, Lenneng a Bous-Waldbriedemes am Osten, Duelem a Weiler zum Tuer am Süden an Hesper am Westen.

D'Baach Sir leeft vu Südwesten no Nordosten queesch duerch d'Gemeng.

Laanscht den CR234 läit d'Industriezon « Am Weiergewan ».

Uertschaften an der Gemeng

• Conter
• Éiter
• Méideng
• Mutfert

Häff a Lieu-diten an der Gemeng

• Bricherhaff
• Brichermillen
• Conter-Barrière
• Éiter Millen
• Kackerterhaff
• Kréintgeshaff
• Marxeknupp
• Millbech
• Pläitreng

Verkéiersubannung

Wichtegst Stroosseverbindunge sinn d'N2 an d'N28. Ausserdeem lafen nach d'Chemin reprisen 132, 153, 226 an 234 duerch d'Gemeng.

D'Eisebunnsstrecke Lëtzebuerg-Waasserbëlleg an Alzeng-Éiter duerchlafen d'Gemeng an treffen an der Uertschaft Éiter openeen.

Geschicht

Wopen

Beschreiwung am Originaltext: D'argent à la fasce ondée de gueules chargée de trois trangles également ondées d'or, ladite fasce accompagnée en chef d'une croix ancrée de gueules, en pointe d'une coquille de sable. D.C. 15. Juni 1982 - A.M. 26. Juli 1982 - Mémorial B 1982, Säit 776 - Projet: Marcel Lenertz 1985

Entwécklung vun der Awunnerzuel

Quell:STATEC

Politik

De Gemengerot vu Conter gëtt zanter 2005 nom Proporz-Walsystem gewielt. E setzt sech aus 11 Conseilleren zesummen.

No de Gemengewale vun 2011 huet de Schäfferot sech op eng Koalitioun vun DP, LSAP an déi Gréng gestäipt. No de Wale vun 2017 koum et zu eng CSV-LSAP-Koalitioun, déi och no de Wale vun 2023 bestoe bliwwen ass.

Buergermeeschtesch ass zanter 2017 d'Marion Zovilé-Braquet.

Zesummesetzung

Joer	CSV	DP	gréng	LSAP
2005	3	4	-	4
2011	4	3	2	2
2017	5	2	2	2
2023	5	3	1	2

Quell: Inneministère / RTL.lu / elections.lu

Buergermeeschteren

• ...
• 1844: Jean-Nicolas Fischer
• ...
• 1970 - 1975: Roger Diederich
• ... -...: Jean-Pierre Schmitz
• 2011 - 2013: Jean-Marie Mangen
• 2013 - 2017: Guy Lorent
• zanter 2017: Marion Zovilé-Braquet

Infrastruktur

Schoulen

D'Gemeng Conter huet eng Zentralschoul mat Sportzentrum fir d'Spillschoul- a Grondschoulklassen (Schoul um Ewent) an der Uertschaft Conter um CR226 (rue de Syren).

Kuckeswäertes

• D'Conter Kierch
• D'Straussefarm "An Nommesch"
• Bemierkenswäert Beem um Pläitrengerhaff
  • Zwou Eeche beim Weier
  • Zwou Lannen am Agank vum Haff
  • Zwéi Spierebeem am Bongert

Interkommunal Syndikater

D'Gemeng Conter ass Member vu follgenden interkommunale Syndikater:

• CNI-Syrdall Schwemm
• MINETT-KOMPOST
• SEC
• SIAS
• SICEC
• SIDEST
• SIDOR
• SIGI
• SYVICOL

Kuckt och

• Lëscht vun den nationale Monumenter an der Gemeng Conter 0
• Fräiwëlleg Pompjeeë Mutfert-Méideng
• Gare Sandweiler-Conter
• Gallo-réimesch Villa zu Conter

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Conter – Biller, Videoen oder Audiodateien

• Offiziell Säit vun der Gemeng Conter
• D'Gemeng Conter op der Websäit vum Syvicol
• Festival de la Bande dessinée zu Conter
• Offiziell Säit vum Club des Jeunes Contern